Blogs » Education » الدراسات السابقة
مشكلة الدراسات السابقة الشكوى المستمرة من الباحثين
ازاي الاقي دراسات سابقة في موضوعي ؟
وهل لازم الدراسات دي تكون جديدة ولا لا ؟ وترتيب الدراسات من حيث الاهمية ؟ اولا لو انت عايز دراسات تتناول موضوعك بالظبط مش هتلاقي لان لازم دراستك تكون مختلفة انت بس بدور على اماكن الالتقاء مع دراستك مش اكتر فايدة الدراسات السابقة مش بس انك بتستفيد من المحتوى وانما بتستفيد كمان من المنهجية والمراجع والوثائق وحتى التنسيقات والهوامش وغيرها طيب ازاي ابحث عن الدراسات السابقة سواء عربي او اجنبي هنضرب
مثال بعنوان دراسة تبحث عنه زي" دور العولمة الرقمية في خفض قيم الانتماء للشباب في دول الشرق الاوسط دراسة ميدانية " يبقى انت عندك هنا اربع محاور هدور فيهم العولمة الرقمية الانتماء الشرق الاوسط الدراسات الميدانية فيما يتعلق بالعولمة الرقمية وقيم الانتماء هتاخد كل محور من دول مثلا العولمة الرقمية وتكتب في جوجل او اي محرك بحث علمي العولمة الرقمية مجتش معاك نتائج اكتب العولمة مجتش اكتب الهيمنة الثقافية مجتش الهيمنة العالمية .....الخ لان كل المفردات دي مرتبطة بموضوعك وفي نفس الوقت تترجم المصطلحات دي على جوجل باللغة اللي انت عايز تبحث عنها مش لازم انجليزي ممكن تلاقي دراسات اسباني او فرنسي او الماني او حتى اوردو وهكذا مع باقي المحاور طيب لقيت دراسات ازاي تعرف ازاي كانت مرتبطة وليه لزمة ولا لا في دراستك متبصش في العنوان وتجري ... لا افتح الفهرس اذا كانت دراسة كبيرة وشوف المحتويات او شوف المستخلص لان وارد جدا يكون في جوة الرسالة طلبك اللي بدور علية خلاص ربنا كرمك ولقيت دراسات كتير وتقدر تختار طيب تختار انهي دراسات من وجهة نظري الشخصية
1- دور على الدرجة العلمية للمؤلف يعنى لو استاذ دكتور هيكون غالبا ...غالبا افضل من استاذ مساعد والاستاذ المساعد افضل من المدرس لان الخبرة البجثية اكيد ليها دور واثر
2- دور على الابحاث المنشورة في مجلات علمية ذات معامل تاثير عالي ودي هيكون ليها مقال مستقل عشان بيكون فيها محكمين والابحاث المنشورة بيراعى فيها دراجات عالية من الجودة
2- بعدها دراسات الدكتوراه لان باحث الدكتوراه مطالب بتقديم جديد في رسالتة في مجال تخصصة وطبعا واخد خبرة سابقة من الماجستير فهتلاقي الدراسة افضل اكيد
3- دراسات الماجستير لان صاحبها لسة بيتعلم فهتلاقي مستواها العلمي اقل لكن تم تحكيمها من قبل المناقشين بردو
4- اخيرا الدراسات المنشورة لاستكمال شروط التشكيل والمناقشة او المنح بالذات للماجستير لان غالبا بتكون ابحاث ضعيفة بحكم ان خبرة الباحث فيها قليلة مع ملااااااحظة نقد الدراسات قبل الاخذ بها يعني تكون موضوعية مهما كانت الجهة او الشخص اللي قام باعدادها ومتتغرش في الاسماء احيانا بعض الدراسات ليها اهداف غير علمية بالذات لو صادرة من منظمات او هيئات او جهات حكومية طيب لازم اخد بالدراسات الجديدة ولا ممكن اخد دراسات قديمة ؟
دا بيكون على حسب موضع استخدامك للدراسة دي يعني مثلا لو هتاخد التطور التاريخي لظاهرة العولمة يبقى لازم تجيب دراسات قديمة وتقارن نتائجها مع دراسات جديدة عشان تقيس التطور دا ...ولو هدور على تعريفات او نظريات ممكن تستفيد من القديمة بحدود ...انما لو هتعتمد على الدراسات دي في تحديد مشكلة البحث مينفعش تستعين بدراسات قديمة يعني مثال موضوعنا دا انت عندك مشكلة انخفاض الوعي بسب العولمة طيب على اي اساس حددت ان في مشكلة ..؟
بيكون عن طريق الملاحظة الشخصية اللي بتؤكدها الدراسات السابقة في نتائجها وغير كدا مينفعش تقول ان في مشكلة وبالتالي مينفعش تعتمد على نتائج دراسة قديمة لان ببساطة ممكن تكون المشكلة اتحلت او اتغيرت طبيعتها وعتاصرها اتمنى اكون قدمت حاجة مفيدة في المقال دا وبالتفيق للجميع
